న్యూజిలాండ్ విధ్వంసకర ఓపెనర్ బ్రెండన్ మెక్కలమ్ వన్డేల్లో అత్యధిక సిక్సర్లు బాదిన నాలుగో క్రికెటర్గా రికార్డు సృష్టించాడు.
సిక్సర్లతో రికార్డు.. అతని వన్డే కెరీర్కు శుభంకార్డు తాజాగా హామిల్టన్ వేదికగా ఆస్ట్రేలియాతో జరిగిన నిర్ణయాత్మక మూడో వన్డేలో మెక్కలమ్ 27 బంతుల్లో 6×4, 3×6 సాయంతో 47 పరుగులు చేశాడు. ఈ మ్యాచ్లో మెక్కలమ్ బాదిన సిక్సర్లతో వన్డే ఫార్మాట్లో 200 సిక్సర్లు బాదిన ఆటగాడిగా రికార్డుల్లో నిలిచాడు. వన్డేల్లో మొత్తం 351 సిక్సర్లతో పాకిస్థాన్ క్రికెటర్ అఫ్రిది ప్రథమ స్థానంలో ఉండగా.. జయసూర్య (270), క్రిస్గేల్ (238) తర్వాత స్థానాల్లో నిలిచారు.
ఇప్పటికే క్రికెట్ రిటైర్మెంట్పై నిర్ణయం ప్రకటించి.. కెరీర్లో చివరి అంతర్జాతీయ వన్డే మ్యాచ్ ఆడిన మెక్కలమ్కు న్యూజిలాండ్ జట్టు ఆస్ట్రేలియాపై సమష్టిగా పోరాడి 55 పరుగుల విజయంతో ఘనమైన వీడ్కోలు పలికింది.
