ఇకపోతే ఈ బూతుల సినిమాకు ఇప్పుడు సెన్సారోళ్ళు సర్టిఫికేట్ ఇచ్చారు తెలుసా. సినిమాలో బూతులను తొలగించకుండా.. కంటెంట్ సరిగ్గా కన్వే అవ్వాలంటే అలాంటి పదజాలం ఉండాలని దర్శకుడు పట్టుబట్టడంతో.. కొన్ని చోట్ల బీప్ లు వేసి.. సినిమాకు ''ఎ'' సర్టిఫికేట్ చేతిలో పెట్టారట. అసలు ఈ సినిమాకు సర్టిఫికేటే రాదని చాలామంది అనుకుంటున్నవేళ.. ఈ ఎడల్ట్ సర్టిఫికేట్ రావడం కూడా పెద్ద కొసమెరుపే తెలుసా. సినిమాలో లాంగ్వేజ్ ఒక్కటే కాదు.. కొన్ని సీన్లలో డీప్ గా సాగిన పెదాల ముద్దులూ.. అలాగే కొన్ని పడకగది సీన్లు కూడా ఉన్నట్లు టీజర్లో హింట్లు ఇచ్చారు. అందుకే సర్టిఫికేట్ గురించి అందరికీ అన్ని సందేహాలు వచ్చింది.
సందీప్ రెడ్డి డైరక్షన్లో రూపొందిన ''అర్జున్ రెడ్డి'' సినిమాలో హీరోగా విజయ్ దేవరకొండ.. హీరోయిన్ గా షాలిని నటిస్తున్నారు. ఈ సినిమాను ఒక కొత్తరకం ప్రయోగాత్మక సినిమా అంటున్న డైరక్టర్.. ఇందులో చాలా రకాల ఎమోషన్స్ ఉన్నాయని ఆల్రెడీ చెప్పిన సంగతి తెలిసిందే. వచ్చే శుక్రవారం సినిమా రిలీజ్ అవుతోంది.
