‘తానాజి’ ఫస్ట్ లుక్ ప్రస్తుతం సోషల్ మీడియాలో హాట్ టాపిక్ అవుతోంది. అగ్నిలో కాలిపోతున్న యుద్ధ వీరుడి చిత్రాన్ని ఫస్ట్ లుక్ గా రిలీజ్ చేసింది చిత్ర బృందం. ఛత్రపతి శివాజీకి ఆప్త మిత్రుడు.. ఆయన సైన్యంలో గొప్ప పోరాట యోధుడిగా గుర్తింపు తెచ్చుకున్న వీరుడే సుబేదార్ తానాజీ మాల్సురే. 1870లో మొఘలులతో జరిగిన యుద్ధంలో ఆయన చూపించిన తెగువ చరిత్రలో నిలిచిపోయింది. తానాజీ గురించి స్కూలు పుస్తకాల్లో పాఠాలు కూడా వచ్చాయి. ఆ యుద్ధ వీరుడి కథను భారీ స్థాయిలో తెరకెక్కించడానికి ప్రయత్నాలు జరుగుతున్నాయి. ‘బాహుబలి’ తరహాలో భారీ బడ్జెట్ తో.. ప్రపంచ స్థాయి సాంకేతిక నైపుణ్యంతో ఈ సినిమాను తెరకెక్కిస్తారట. గత ఏడాది ‘శివాయ్’ లాంటి భారీ ప్రాజెక్టు చేసి దెబ్బ తిన్నాడు అజయ్ దేవగణ్. మరి ‘తానాజీ’ అతడికి ఎలాంటి ఫలితాన్నిస్తుందో చూడాలి.
