స్మార్ట్ఫోన్ యూజర్లను వేధించే ప్రధాన సమస్య ఛార్జింగ్. బ్యాటరీ ఫుల్ అయినా.. ఒక్కోసారి గంటలోపే ఫోన్ స్విచ్ఛాఫ్ అయిపోతుంది. మళ్లీ ఆన్ చేస్తే బ్యాటరీ ఫుల్ ఉన్నట్లు చూపిస్తుంది కానీ.. సరిగ్గా పనిచేయదు. అది కంపెనీ బ్యాటరీ అయినా సరే, లోకల్ బ్యాటరీ అయినా సరే.. ఒక్కోసారి ఈ సమస్య వస్తుంటుంది. బ్యాటరీ బ్యాకప్ తగ్గిపోవడానికి దాని క్వాలిటీయే కాదు... మనం ఛార్జింగ్ పెట్టే విధానం కూడా కారణమే.
సాధారణంగా చాలామంది పగలంతా మొబైల్ ఫోన్ వాడేసి.. రాత్రి పడుకునేటప్పుడు ఛార్జింగ్ పెడతారు. పొద్దున్నే లేచేంతవరకు అలానే బ్యాటరీ ఛార్జింగ్ అవుతూనే ఉంటుంది. ఇలా చేసినప్పుడు బ్యాటరీలోని లిథియం అయాన్స్ ప్రవాహశక్తిని కోల్పోతాయట. రుణావేశం గల ఎలక్ట్రోడ్ నుంచి ధనావేశం గల ఎలక్ట్రోడ్కు లిథియం అయాన్స్ ప్రవహించే స్థాయిని బట్టి బ్యాటరీ పని విధానం ఉంటుందట. రాత్రంతా ఛార్జింగ్ పెట్టడం వల్ల లిథియం అయాన్స్ బలహీనమై బ్యాటరీ మన్నిక దెబ్బతింటుంది.
ఒక్కోసారి బ్యాటరీ ఫుల్ అయ్యే వరకు (100%) ఛార్జింగ్ పెడుతుంటాం. ఈ పద్ధతి కూడా మంచింది కాదు. 90 నుంచి 95 శాతం మధ్యలో ఛార్జింగ్ ఉన్నప్పుడు తీసేస్తే సరిపోతుందట. ఒకేసారి బ్యాటరీ ఫుల్ చేసే బదులు రోజులో మీ వీలునిబట్టి అప్పుడప్పుడు ఛార్జింగ్ పెట్టడం వల్ల బ్యాటరీ సమార్థ్యం మెరుగుపడుతుందట. మీ బ్యాటరీ కెపాసిటీని బట్టి, మీ ఛార్జర్ వోల్టేజీని బట్టి ఎంతసేపు ఛార్జింగ్ పెట్టాలనేది ఈ కింది టేబుల్లో గమనించగలరు.
దాదాపు అన్ని స్మార్ట్ఫోన్ బ్యాటరీలూ లిథియం- అయాన్తోనే తాయారవుతాయి. లిథియం-అయాన్ను వేడి ప్రదేశంలో ఉంచితే దాని నుంచి అగ్గి పుట్టే ప్రమాదం ఉంది. అందువల్ల ఛార్జింగ్ పెట్టేటప్పుడు కొంచెం కూల్ ఉన్న ప్రదేశంలో ఉంచితే.. మీ బ్యాటరీకీ మంచిది, మీకూ మంచిది.
