దేముడు ఎవరు ? part 4

పరమాత్మ స్వరూపము మూడు భాగములుగా విభజించబడి ప్రకృతి అంతటా వ్యాపించి వున్నది. శివ లింగం మీద వున్న మూడు విభూతి రేఖలను మనం గమనించవవచ్చు. పరమాత్మ ప్రకృతి కంటే అతీతం గా వుండి ముగ్గురు పురుషులుగా వున్నారని చెప్పటమే ఈ విభూతి రేఖల సారాంశం. క్షర, అక్షర, పురుశోత్తంలను ముగ్గురు పురుషులుగా ఒక్క పురుషుడే విభజించబడి యున్నాడని అర్ధం వచ్చునట్లుగా లింగం మీద మూడు తెల్లని విభూతి రేఖలు మనం చూడవచ్చు. ఈ మూడు రేఖలలో క్రిందనున్న రేఖ జీవాత్మ అని, మధ్యగల రేఖ సర్వ జీవులందు కలసినున్న ఆత్మ అని పైన వున్న రేఖ పరమాత్మ అని అర్ధం. మధ్యనున్న రేఖ కు చందనం తోనో, కుంకుమ తోనో బొట్టు పెట్టడం మనం గమనిస్తాం. దానికి కారణమేమిటంటే ఒక్కొక్క శరీరంలో ఒక్కొక్కటిగా వేరువేరుగా వున్నవి “జీవాత్మలు” అనీ శరీరాలలో ఒకే అంశ గా వుంటూ ఒక్కొక్క శరీరంలో విడివిడిగా వున్నది “ఆత్మ” . శరీరంలోను బయట అంతటా ఒకటిగా వ్యాపించి వున్నది పరమాత్మ. జీవాత్మ, ఆత్మలు సజీవమైన శరీరంలందు మాత్రమే ఉండును. కాని పరమాత్మ అలా కాదు. ఇటు సజీవ అటు నిర్జీవ శరీరంల యందు ఉండును. జీవాత్మ వున్నా చోటనే ఆత్మ కూడా వుంటుంది. అందుకే ఆత్మను కూటకుడు అంటారు. ఈ ఆత్మ , జీవాత్మల గురించి భగవద్గేత లో పురుశో త్తమ ప్రాప్తి యోగములో ఇలా చెప్పబడింది.
శ్లోకం : ద్వాదిమౌ పురుషా లోకేక్షరాస్చాక్షర ఏవచ
క్షర స్సర్పాని భూతాని కూతస్తోక్షర వుచ్చతే.

దీని భావమేమిటంటే ... లోకంలో ఇద్దరు పురుషులున్నారు . వారే క్షరాక్షరులు . క్షరుడు సర్వదేవ శరీరంలందుంటాడు . అక్షరుడు-క్షరుడేక్కడుంటారో అక్కడ వానితో కూడుకుని వుంటాడు. ఇక మూడవ వాడు పరమాత్మ. పరమాత్మ అనగా ఆత్మ కంటే పరముగా (వేరుగా) వున్నది. మిగతా ఇద్దరు పురుషులకంటే వేరుగా ఉత్తమముగా ఉన్నదే పరమాత్మ.



లింగం మీద వున్న మూడు రేఖలు ఈ ముగ్గురు పురుషుల గురించి చెబుతున్నాయి. జీవాత్మ-పరమాత్మను చేరునపుడు జన్మలు లేకుండా పోయి జీవభావము నశించి దైవ భావము ఏర్పడును. అనగా జీవాత్మ అణువణువునా వ్యాపించి వున్నా పరమాత్మలో చేరి తను కూడా శూన్యుడయిపోవును. ఈ విధముగా జీవాత్మ పరమాత్మను చేరవలయునంటే రెండవదయిన ఆత్మను తెలుసుకునవలయును. ఆత్మను తెలుసుకుని ఆత్మ జ్ఞాని శక్తీ చేత జన్మలకు కారణమయిన కర్మలన్నింటిని నిర్మూలన చేసుకున్న తర్వాతనే జీవాత్మ పరమాత్మను చేరగలదు . జీవాత్మ శరీరంతో వున్నపుడు ఆత్మను తెలుసుకొనిన శరీరం వదిలిన తర్వాత పరమాత్మ ను సందర్సించగలరు. అందువలన శరీరం తో ఎవరు కూడా పరమాత్మను తెలియలేరు. పరమాత్మ శరీరం లేని వారికే తెలియును. ఏ జీవుడయిన జీవితంలో ఆత్మనే తెలుసుకుని ధ్యానించవలయును. పరమాత్మను ద్యానించలేరు. అందువల్లనే లింగం మీద మూడు రేఖలుగా గుర్తించిన వాటిలో మధ్యనున్న రేఖకు చందన, కుంకుమ గుర్తింపునిచ్చారు . ఆత్మలు స్వచ్చమైనవని తెలియచెప్పుటకు తెల్లని రంగులో రేఖలు గుర్తించారు. మనం లింగాన్ని పూజిస్తాం. కాని పానిపట్టుని కాదు దని అర్దమేమిటంటే ప్రకృతి కంటే పురుషుడే ముక్యమని. ఇంతకి దేవుడు ఎవరు ? ఇది తెలుసుకునే ముందు దేవుడు అన్న పదానికి అర్ధం ఏమిటి ?

రేపు చుడండి ...